She's The Man

Good evening everyone!

Sinabi ko sa previous post ko na mukhang hindi na kami magkikita ni Nina. I was wrong. After kong mag-internet, pumunta ako sa Bench at bumili ng styling stick para sa buhok, tapos nag-decide na akong pumunta sa office namin. Naglakad ako papuntang Citybank para mag-commute papuntang Wilcon. Nasa Citybank na ako nang bigla kong nakasalubong si Jane, ang pinsan ni Nina. Magkikita pala sila ni Nina. Ayun, hinintay namin sa McDonalds si Nina, tapos pagdating n'ya kumain kami sa Ineng's Barbecue sa Eastwood. Kasama ni Nina yung mga kasamahan n'ya sa training ng pagiging medical transcriptionist tapos nagpaalam na rin kami sa isa't-isa. Hindi na ako nag-commute, bagkus, sumakay na lang ako ng free shuttle from C3 (the old site) patungong HTMT (the new site).

Sa pagkaka-alam ko, ang shift ko ay 1:30AM, ayun pala, 4AM dahil nakipag-swap sa akin si Tin-Tin. Natulog muna ako sa quarters para naman makapag-recharge. Tapos pagkauwi, niyaya ako ni Janice at Blue na pumunta ng Robinson's Galleria. Kasama namin si Jeff. Nanood kami ng She's The Man. Ang ganda ng movie. Okay siya, cute ang story. Si Amanda Bynes ang bida. Pero hindi yun ang ikinasaya ko, mas naaliw ako sa cuteness ng mga Amerikanong lalake sa film. Ang ku-cute nila. Sobrang ganda ng mga katawan at super cute ang mga face! Channing Tatum yung name ng cute actor. After that, kumain kami sa KFC then bumili sina Janice at Blue sa Bench ng kung anik-anik. Grabe, summer na summer na talaga, yung mga tinda nilang mga damit, cologne and mga accessories, mga pang-summer talaga! Nung medyo napagod na kami, tumambay kami sa Gloria Jeans. Umorder ng maiinom tapos nag-yosi at kwentuhan. Si Blue ay naglabas ng kanyang mga sama ng loob about sa incident na nangyari sa kanila ni Strasse. Hay buhay!


Pagka-uwi ko ng house, around 10PM na, nanood pa ako ng Pinoy Big Brother Celebrity Edition. Nagkaroon sila ng Big Debate. In fairness sa mga supporters ni Keanna, sina Direk Joey Reyes and Ces Quesada, ang galing ng depensa nila kay Keanna Reeves.